Aksident komunikacioni në Fushë-Kosovë - Foto: KALLXO.com
Aksident i Rëndë në Fushë-Kosovë
Policia e Trafikut e Prishtinës e ka konfirmuar aksidentin për të cilin KALLXO.com raportoi pak më parë.
Sipas komandantit të Trafikut Regjional të Prishtinës, Milaim Fejzullahu, në aksidentin në Fushë-Kosovë janë dy persona të lënduar dhe dy automjete të përfshira.
Sipas Fejzullahut, lëndimet e të aksidentuarve nuk janë të rënda.
Ai tha se njëri prej të lënduarve është shtetas gjerman, ndonëse të dy veturat janë me tabela vendore.
23:20
Një aksident i rëndë ka ndodhur rreth orës 22:10 në Fushë-Kosovë.
Sipas një qytetari, i cili ka dërguar disa fotografi në KALLXO.com, në këtë aksident janë përfshirë së paku dy vetura.
Njëra prej veturave, siç shihet në fotografi, është përplasur për shtyllën e semaforëve në udhëkryqin te shkolla “Mihal Grameno”.
Qytetari ka treguar se në këtë aksident ka edhe të lënduar.
Në vendin e ngjarjes është parë autoambulanca dhe vetura e Policisë.
KALLXO.com ka bërë përpjekje për të marrë hollësi nga Policia por nuk ka arritur.