Agim Veliu, Foto: Atdhe Mulla

Agim Veliu Gjobitet me 3000 Euro për Fëmijët në Fushatë

Paneli Zgjedhor për Ankesa dhe Parashtresa ka gjetur të bazuar ankesën e BIRN dhe Internews Kosova të paraqitur ndaj kandidatit të LDK-së për Podujevën, Agim Veliu.

Kësisoj, PZAP-i i ka shqiptuar 3000 mijë euro gjobë Lidhjes Demokratike të Kosovës për shkak të një postimi të datës 9 tetor 2017 në të cilën shihen se janë të përfshirë fëmijë në fushatë.

LDK është arsyetuar para PZAP-it duke pretenduar se postimi i disa fotografive me fëmijë nga kandidati i tyre, në asnjë mënyrë nuk mund të interpretohet si përfshirje e fëmijëve në fushatë dhe gjithashtu i kanë larguar fotografitë që të mos keqkuptohen dhe të mos keqinterpretohen.

Këto arsyetime të paraqitura nga LDK nuk e kanë bindur PZAP-in që ka gjetur se ankesa e BIRN dhe Interneës Kosova është e bazuar dhe se është shkelur Rregulla Zgjedhore 13/2013.

Në këtë rregull përvcaktohen kategoritë e njerëzve që nuk duhet të jenë pjesë e fushatave zgjedhore në mesin e të cilëvë janë edhe personat që nuk kanë mbushur 18 vjet.

KALLLXO.com po raporton vazhdimisht lidhur me shkeljet e subjekteve politike në fushatë, ndërsa BIRN dhe I/KS kanë parashtruar disa ankesa që janë gjetur të bazuara nga PZAP.

Vetëm dje nga ankesat e BIRN dhe I/KS për subjektet politike janë shqiptuar gjoba në vlerën e 18 mijë eurove.