Foto: REL
Afganistan: Të Paktën 12 të Vrarë nga Sulmi me Bombë
23.3.2018 - 23:21
Një bombë e vendosur në një makinë ka shpërthyer në hyrje të një stadiumi në Lashkar Gah, në kryeqytetin e provincës Helmand, duke vrarë të paktën 12 persona dhe plagosur dhjetra të tjerë.
Omar Zawak, zëdhënës i guvernatorit provicial, i ka thënë Radios Afganistani i Lirë se sulmi është kryer nga një sulmues vetëvrasës, i cili ka shpërthyer eksplozivët që kishte në makinë.
Sulmi ka ndodhur teksa njerëzit po hynin në stadium, pak kohë pasi një ndeshje e mundjes kishte përfunduar.
Askush deri më tani nuk e ka marrë përgjegjësinë për sulmin.