Pamje nga një mbledhje e KPK-së - Foto: KALLXO.com
3 Prokurorë Avancohen në Prokurorinë Speciale
Në mbledhjen e mbajtur sot, KPK hodhi në votim një nga një emrat e këtyre prokurorëve dhe të gjithë u aprovuan.
Për dallim nga prokurorët që u avancuan, anëtarja e KPK-së, Dëshirë Jusaj njoftoi anëtarët e tjerë se prokurorët, Metush Biraj dhe Habibe Salihu-Statovci nuk i kanë plotësuar kushtet ligjore për avancim në Prokurorinë Speciale.
Këta prokurorë nga 1 prilli i këtij viti do të fillojnë punën e tyre si prokurorë specialë.
Në të njëjtën mbledhje, edhe prokurori nga Prokuroria në Ferizaj, Agron Qalaj, u vendos që të kalojë në zyrën e Kryeprokurorit të Shtetit. Qalaj më parë ishte kryeprokuror i Prokurorisë në Ferizaj.
Përpos në Prokurorinë Speciale, avancime pati edhe në Departamentin e Krimeve të Rënda në Prokurorinë e Prishtinës.
Valdet Gashi, Armend Hamiti, Shemsije Asllani, Fatmire Çoçaj dhe Rrahim Podvorica kaluan nga Departamenti i Përgjithshëm në atë të Krimeve të Rënda pranë kësaj Prokurorie.
http://kallxo.com/kpk-ja-zgjedh-kryeprokuroret/